Zomi Chrisitan Ministers Fellowship USA pen Cope topa in lai hong
bawlsak zawh kum za cin lungdamkohna pawi Tulsa khuapi ah kibawl in tua
phawkna in Pasian nasemte kipawlkhopna hong piangkhia ahi hi. Hih
kipawlna ah Pasian nasem khempeuh kideidanna om hetlo in kipawl thei hi.
Kumsim in kimutuahna kinei toto in tu a 16 veina ciang dongah Pasian in
hong makaihto ahih manin Pasian min iphat hi. Tukum a 16 veina zin hong
do ding pen Zomi baptist Church Grand Rapids, MI te ahi hi.
ZCMF
khawmpi ah la hong makaih ding, presentation hong pia ding khempeuh
tungah zong lungdam iko khol hi. Special Guest Rev. Dr. JM. Ngul Khan
Pau tungah zong nakpi lungdamna ih pulak hi. Topa in ama hoihna Siate
tungtawn in hong musak ding ahih manin hanciam in kihel sawm ni. Tukum
pen kilawmtatna zong hun tampi zangkhawm thei ding ihih manin zong
lawphuai mahmah hi. Cidam kimu khawm ding hong zawn ing.
Rev. Khual Lian
Secretary
ZCMF-USA
